sorxaizu'e sei catlu
sei la visuuavas cimborskas ku no'u la'o py Wisława Szymborska py te pemci
sei la uakci ku fanva

i lo jbama ku porpi ne'i lo barja ti'u li pa ci pi'e re no
i nau'u se tcika li po'o pa ci pi'e pa xa
i so'o da snada lo ka barkla
ja lo ka nerkla

i lo sorxaizu'e ba'o ragvybi'o lo klaji
i darno raunzu fi lo ka snura
je ja'a zgana tai lo skina

i ninmu je dasni be lo pelxu sei nerkla
i nanmu je xekri se lenjo sei barkla
i nanla je ke blanu palku dasni sei tavla
i pa ci pi'e pa ze pi'e vo
i lo cmalu ku se zanfu'a lo ka cpana lo marce
i lo barda ku nerkla

i pa ci pi'e pa ze pi'e vo no
i nixli je se jadni be lo crino djine sei cadzu
i ku'i lo sorprekarce ze'i jai ri'a zilmipri
i pa ci pi'e pa bi
i lo nixli xa'o canci
i xau'a bebna lo ka nerkla
ku vau se facki ca lo nu bargau

i pa ci pi'e pa so
i ki'u su'o da no da nerkla
i ku'i pa sedykrecau ku barkla
i ku'i simlu lo ka sisku tu'a lo daski
kei ja'e lo nu ti'u li pa ci pi'e re no vu'u pi'e pi'e dau
tolcliva te zu'e tu'a lo nalvai gluta

i pa ci pi'e re no je'u
i lo tcika zo'u masno
i ju'o cu'i ca
i ca pu'o
i ca ja'a
i jbama sei porpi