no da re roi fasnu

sei la visuuavas cimborskas ku no'u la'o py Wisława Szymborska py te pemci
sei la uakci ku fanva
sei lo pinka pagbu panra la'e
ti zvati

ni'o no da re roi fasnu
ja ba fasnu i se ta'i
bo lo jbena na'o tolcre
i bo krefu claxu canci

i fau lo ji'a nu ma'a
traji lo ka to'e prije
zo'u ju'o nai reflifri
tau su dunra ja su crisa

i no djedi da se krefu
i lo nicte vo'a drata
i nu cinba ja kalcatlu
kei fa no na sevzi panra

i lo prulamdjedi li'i
do se cmene lo se krixa
kei fi mi te cinmo tau lo
ka lo rozgu ce se viska

i ma'a ca kansa vo'a
i na farna lo do mokca
i pei rozgu i ma simsa
i xu spati i xu rokci

i doi mabla temci ri'a
ma do selpau co nu terpa
i lo cabna da ei purci
i lo melbi ku nu cenba

i ge gleki gi jairsi'u
i joi tugni troci tcena
i ju ku'i simxu frica
tai lo jinsa digjau re mei